আঘোন মানেই/ মূগাৰ কাপোৰেৰে/শ্যামলীৰ সাজোন-কাচোন
আঘোন মানেই/গৰখীয়া বাঁহীত/ শাৰদীয় পূণিৰ্মাত/ ৰাসৰ জোন
আঘোন মানেই /কলাফুল কোবাই/বিৰিয়াত ছথৰীয়া ডাঙৰিৰ /মেটমৰা ভাৰলৈ/
কুকুৰ খোজেৰে অহা/ সেয়াচোন ককাই আঘোনা
হাতত কাঁচি আৰু ৰবাবৰটোপোলাৰে/আগে আগে গৈ থকাআঘোনীৰ/
তামৰঙী মুখ আৰু ফপৰা হাতত/ সেয়া যে এৰালীৰে কটা।
আঘোন মানেই /নিয়ৰেৰে ধূৱঁলি-কুৱঁলি/ ধূসৰিত মনৰ পদূলি/
চোতালত মৰণাৰ পাকঘূৰণিখাই/জুহালতে টোপনি/
আইতাৰ সাধুকথা শুনি/ কনমানি জনী।
আঘোন মানেই/ ন-খোৱাচুঙা চাউলচুঙা পিঠাৰ আনন্দ ভোগালী
মাটিহীন কৃষকৰ/বাবেহে মাথোন/আঘোনতে নিৰন্ন গধূলি।
No comments:
Post a Comment